Presentade la Setemane de culture furlane a Udin, li de Filologjiche

 La presentazion e je scomençade cuntun minût di riflession pe muart di Angela Felice, passionade di teatri furlan e de leterature cun in prin Pier Paolo Pasolini. Al è stât il professôr Federico Vicario, president de Societât Filologjiche Furlane a domandâ une meditazion di corot par jê ae presentazion de Setemane de Culture furlane. La riunion si je davuelzude inte sede de Filologjiche in Vie Manin a Udin. Vicario al à cjacarât sedi in marilenghe che par talian.

Udin, sede de Filologjiche - Giuseppe Morandini, Federico Vicario e Alessandra Piani tal minût di riflession pe muart di Angela Felice

Tal salon di onôr “Guglielmo Pelizzo” oltri che i gjornaliscj a ere presint une vore di int, come che al à dit Vicario “culì a son tancj di chei che a fasaran la Setemane de culture furlane”. Dopo al à nomenât dome cualchi iniziative, tant chês pai frutin, o chês di teatri o di musiche.

Gina Marpillero, Antonio Comelli, Alviero Negro, Alfeo Mizzau, Fabio Asquini, il Card. Celso Costantini, Fermo Solari, Pierluigi Cappello e altris furlans impuartants a saran memoreâts inte Setemane. Si doprarin ancje de Universitât furlane che e fâs 40 agns, invezit la riviste “La panarie” e à fat lis 50 primeveris e a son 40 agns che e je stade fondade  la associazion “La Bassa”.

Impuartant par Vicario, a son lis colaborazions metudis adun dal grup de “Setemane de Culture furlan” cun i apontaments di culture di “Vicino / Lontano” di Udin e di “èStoria” di Gurize. Il president al mostrave i numars di cheste iniziative rivade ae cuinte edizion, cul jutori di Alessandra Piani, al computer par fâ viodi lis fotografiis tal  linzûl.

Udin, presentazion de Setemane de culture furlane, Fedrico Vicario e Lionello D'Agostini, in pîts

Dopo al à fevelât, par talian, Giuseppe Morandini, president de Fondazion Friûl. Al à memoreât la convenzion fate de Fondazion cu la Societât Filologjiche Furlane pe pupilance de identitât e de lenghe furlane. Al si è dit content di fâ la strade su chest teme insiemi ae Filologjiche, une socie che e sa zontâ simpri gnovis tal cjamp de formazion e de culture di chenti. 

Dopo al à fevelât Davide Lorigliola, par mostrâ cemût che al funzione il sît Internet vierzût a pueste pe Setemane de culture furlane. Il recipient digjitâl dal web al devente ancje un archivi e al è stât indreçât ancje par il telefonut “smartphone” e par la taulute “tablet”. Il sît Internet propit al si clame: www.setemane.it

Al è stât invidât a fevelâ ancje Lionello D’Agostini, za president de Fondazion CRUP. Tra lis variis iniziativis de Setemane al à contât, par talian, D’Agostini, si è prontade une cunvigne dal titul “La rivoluzione dell’agricoltura friulana, da Antonio Comelli al futuro” par sabide ai 19 di Mai a lis 9 di matine, li dal auditori dal Istitût Professionâl pe Agriculture “S. Sabbatini” di Puçui. Cussì e sarà la ocasion di memoreâsi dal president de Ricostruzion, come che al ven clamât Comelli. Lui al à ben operât tant che president de Zonte regjonâl, dopo dal taramot dal 1976 par tirâ fûr il Friûl dal disastri. Al è stât un om cui principis clârs di etiche e di politiche.

L’ultin che al à cjacarât al è stât Enrico Tavano, vice president de Filarmoniche di Puçui, che pues svantâsi di vê 154 agns di ativitât. La Filarmoniche e fâs il conciert finâl de Setemane, ai 20 di Mai 2018, al teatri “Luigi Garzoni” di Tresesin a lis vot e trê cuarts di sere.

Al fevele Giuseppe Morandini, de Fondazione Friuli

--

Servizi gjornalistic, fotografic e di Networking par cure di Sebastiano Pio Zucchiatti e Elio Varutti, se nol è scrit intune altre maniere.

--

Il tabelon dai apontaments...

Orfani di un padre vivo, figli della Grande Guerra, conferenza a Zoppola, Pordenone

È stata Francesca Papais, sindaco di Zoppola, ad inaugurare la conferenza per la Setemane de Culture Furlane. 

Il 4 maggio 2017, nella frazione di Castions di Zoppola, alle ore 20,30 è stata aperta al pubblico la chiesa di San Filippo Neri, per la prima volta dal restauro avvenuto nel 2013. Relatore era il professor Elio Varutti, che ha presentato in italiano e in friulano una serie di diapositive con testi in lingua friulana. Il titolo della serata era:

Vuarfins di un pari vîf. I fîs de violence de Vuere grande dal Istitût “San Filippo Neri” di Cjasteons di Çopule / Orfani di un padre vivo. I figli della violenza della Grande Guerra dell’Istituto «San Filippo Neri» di Castions di Zoppola (Pordenone).

Il singolare luogo di culto è stato edificato nel 1924 per l’istituzione che accoglieva i Figli della Guerra. Oggi fa parte della Fondazione Micoli Toscano, presieduta da Bruno Ius, presente in sala. È una casa di riposo per oltre un centinaio di “pantere bianche”. È intervenuto nel dibattito anche don Ugo Gaspardo, parroco della Parrocchia di Sant’Andrea di Castions.

Ha tratto le conclusioni Claudio Petris, portando il saluto del professor Federico Vicario, presidente della Società Filologica Friulana. Lo stesso Petris è curatore, assieme a Mauro Fiorentin, della interessante mostra allestita al municipio di Zoppola, Via Romanò 14, col titolo “1914-1918 – Oltre la divisa. Alimentazione e sanità nella Grande Guerra".

Gli incontri culturali della Setemane de Culture Furlane prevedono anche un laboratorio di lettura per il 4 maggio 2017, presso la Biblioteca Comunale, Via da Vinci, 2 con il seguente titolo: “Scrivila, la guerra”, con un libro di Luigi Dal Cin per raccontare la guerra ai bambini.

Castions di Zoppola - Francesca Papais, sindaco di Zoppola e Elio Varutti nella Chiesa di San Filippo Neri. Fotografia di D&C

---

Per una biografia di San Filippo Neri, nato a Firenze nel 1515 e morto a a Roma nel 1595, fondatore dell'Oratorio e, per il suo buon umore, definito "il giullare di Dio", clicca qui di seguito. 

---

Ecco la relazione in marilenghe di E. Varutti.

La violence de vuere no je dome muarts, malatiis, profucs, robariis, borcs fiscâts, bombardâts e brusâts. Tocje di fevelâ de violence sessuâl dai militârs su lis feminis dai paîs ocupâts inte Vuere grande.

A capitin, dut câs, ancje nassitis di fûr dal matrimoni, par un moment di amôr cirût de femine in forme clandestine. I fruts che a nassin di chestis situazions no legjitimis a vegnin clamâts cul 1918 i “vuarfins dai vîfs”, o pûr i “fîs de vuere”, par vie che il pari biologjic al è un militâr todesc o talian, che no si lu viôt plui.

L’Istitût religjôs “San Filippo Neri” al fo screât di don Celso Costantini a Puart (Portogruaro) tal Dicembar dal 1918, cul non di “Ospizio per i figli della guerra”. A scrivin “fîs de vuere” parfin su lis cartulinis, che a mostrin l’edifici dal Istitût “San Filippo Neri” di Cjasteons di Çopule, dongje di Pordenon, che al tignive chescj frutins, cui bêçs de int di dute l’Italie e, parfin, di New York e Washington.

L’Istitût al à ricoverât 355 fruts (181 mascjos e 174 feminis) dal 1918 al 1922, ma altris vincj di lôr no forin mai acetâts. I fruts a vignivin des provinciis dal Friûl, di Vignesie, di Trevîs, di Belum, di Vicence, di Padue e des provinciis redentis, come Gurize, Triest, Pole, Flum e Zare. Dopo 106 di lôr a son tornâts in famee cu la mari e cul sô om, inte pâs domestiche. A son muarts intai prins cuatri agns di vite in 205. Chei adotâts a son stâts 17 e dome 17 a son restâts tal Istitût. Lis feminis a son stadis acetadis li des muinis de Biade Capitanio di Vignesie.

Tal 1919 al fo ricognossût tant che une opare pie. Intal mês di Jugn dal 1923, dopo de donazion di Vincenzo Favetti, al fo trasferît a Cjasteons di Çopule. La gleseute e je dal 1924. Ai 31 di Otubar dal 1924 la altece reâl Elena duchesse di Aoste e je stade in visite uficiâl tal Istitût, che al siere la sô ativitât intal 1947.

L’Istitût, ai 8 di Novembar dal 1926 al devente Asîl pal testament dal benefatôr Vincenzo Favetti, miedi dal paîs.

In dut l’Istitût i fruts nassûts daûr di une violence sessûal a forin 42. Di lôr a forin 39 par colpe dai militârs austriacs o todescs e dome trê par colpe dai talians. Di une vore di lôr si sa dome che a son nassûts par un rapuart no legjitim.

Di altris 115 si sa che il pari al jere un soldât; 46 fruts a son di un pari austriac o todesc e 69 di lôr di un pari dal esercit talian.

Bisugne ancje dî che la femine violade no contave il sô fat. E jere une vergogne pe famee e pal borc. Tantis voltis, ancje se la famee e l’om a volevin tignî il fantulin, al jere il paîs a refudâlu in dutis lis salsis e cussì al scugnive di lâ tal Isitût.

Alore tantis denunziis di violence a no son rivadis ae Comission di inchieste publicade tra il 1920 e il 1921, cu la peraule di delit cuintri l’onôr de femine.

Al è il câs des denunziis dai plevans di Denemonç, Prât di Cjargne e For Davôtri, indulà che invezit a son nassûts i fîs de vuere.

La violence sessuâl a une femine e ven denunziade par 165 voltis a cheste Comission, cui nons dai militârs e de zovine sdrondenade. Si à di zontâ altris 570 câs tirâts sù cence il non de vitime. Propit sui aspiets juridics de violence sessuâl cuintri lis feminis tai conflits a si butin i studis di cumò.

Cun Cjaurêt, dai 24 di Otubar dal 1917, no si pues dî che i invasôrs Austriacs e Todescs a si son sparagnâts su lis robariis e lis predis di vuere. I profucs furlans dal 1917 a son stâts 134 mil e 816, sparniçâts vie pe Italie. Dai 24 di Otubar dal 1917 un milion e mieç di talians in monture a scjampin. Un milion di austriacs e todescs i corin daûr. Sul moment ancje 500 mil furlans a si butin sui puints dal Tiliment, fin ae Plâf.

--

Collezione privata

Ringrazio per la disponibilità alla pubblicazione delle cartoline, che sono tutte della Collezione Claudio Petris di Zoppola.

Bibliografia

- Laura Calò, “L’Istituto San Filippo Neri per la prima infanzia. Figli della guerra. Storia di un’istituzione unica in Europa”, in Paolo Goi (a cura di), Il cardinale Celso Costantini e la Cina. Un protagonista nella Chiesa e nel mondo del XX secolo, Diocesi di Concordia-Pordenone,  Pordenone, 2004, pp. 93-102.

- Mario Dallagnese, “I figli della guerra”, «Quaderni Zoppolani», vol. VI, dicembre 2008, pp. 45-47.

- Chino Ermacora, Gianni Micoli Toscano, Arti Grafiche Pordenone, 1939, XVII, pp. 115-122.

- E. Varutti, “Vuarfins di un pari vîf. I fîs de violence de Vuere grande dal Istitût “San Filippo Neri” di Cjasteons di Çopule”, «Sot la Nape», 4, Otubar, 2012, pp. 41-46.

- Ilaria Zamburlini, “Il ratto delle friulane”, «Vita Cattolica», 8 marzo 2017, p. 9.

Sitologia

- Andrea Falcomer, “Gli orfani dei vivi. Madri e figli della guerra e della violenza nell’attività dell’Istituto San Filippo Neri (1918-1947)”, «Deportate, esuli, profughe», n. 10, 2009, pp. 76-93.

- “La Grande guerra oltre le divise i soldati alle prese con fame e sete”, «Gazzettino», 28 aprile 2017, anche riprodotto qui sotto.

- E. Varutti, Vuarfins di un pari vîf. I fîs de violence de Vuere grande dal Istitût “San Filippo Neri” di Cjasteons di Çopule, 2012.

Immagine tratta dall'articolo di Mario Dallagnese

- Un video in Internet (clicca sul titolo) sulla pagina del Messaggero Veneto, dal 26 ottobre 2017, col titolo: 

"Io figlio della guerra vi racconto la mia storia lunga 94 anni"

Fuga dopo Caporetto 1917 - Ringrazio Maurizio Roman, intervenuto nel dibattito per comunicare i nomi di alcune donne di questa fotografia. Si stratta di Santina Della Rossa, Lucia Tossut e Isolina Maria Cimarosti, con bambine di Provesano e un bimbo di un anno, che si chiama Costante Castellarin, di Costante e Giovanna Fabris, nato a Provesano il 5 ottobre 1916 da genitori di Casarsa della Delizia. Egli divenne padre gesuita e insegnò per anni Lettere e Latino all’Istituto Leone XIII di Milano. Ecco i riferimenti del libro: Giorgio Moro, Maurizio Roman, La Grande guerra e il Territorio di San Giorgio della Richinvelda, 2013.

Elio Varutti. Fotografia di D&C

La Setemane de Culture Furlane in Friûl, IV edizion

Federico Vicario, president de Societât Filologjiche Furlane al à presentât lunis ai 24 di Avrîl dal 2017, la Setemane de Culture Furlane pal 2017. 

Sergio Bolzonello e Federico Vicario

La presentazion e si je davuelzude inte sale P.P. Pasolini dal Palaç de Regjon in Via Sabbadini a Udin cun lis autoritâts e cetancj gjornaliscj.

«O vin prontade une Setemane de Culture Furlane – al à dit Vicario – dai 4 ai 14 di Mai, cun 130 ents, parochiis, scuelis, Pro loco e teatri». I comuns metûts adun a son plui di 70 des provinciis dal Friûl Vignesie Julie e, plui in là, cun Trevîs, Belum e Vignesie. 

Il patrocini dal Ministeri pai Bens Culturai al è il plui sflandorôs, ma ancje chel de Regjon nol è nuie mâl o chel di Turismo-fvg. Po dopo a àn aderît ancje dôs arcidiocesi (Udin e Gurize) e une diocesi (Concuardie e Pordenon), une vore di glesiis, piçui grups culturâi, cooperativis, Fogolârs Furlans, grups folcloristics, universitâts de tierce etât e bibliotechis a manete.

Franco Iacop, Sergio Bolzonello, Federico Vicario e Renzo Medeossi

«Fasarìn culture – al à dit Vicario, che al à fevelât sedi in marilenghe, sedi pat talian  – memoreant i plui lustrissim protagoniscj de lenghe, de storie e de leterature di chenti in 120 apontaments sparniçâts da par dut». Il program dai events al è penç. Al proviôt di cjacarâ de Vuere Grande, di leterature furlane, di art, dai cjants, di vins e di libris di lei insiemi cui zovins. O scoltarin discori di pre Toni Beline, Pietro Zorutti, pre Meni Zanier, Maria Tore Barbina, Gilberto Pressacco, tant par fâ cualchi non de Furlanie. 

Al è rivât ancje il sosten des Fondazion (chê dal Friûl e de CARIGO) e di vot bancjis di credit cooperatîf. La ultime zornade si sierarà cul conciert dal Coro Zovanîl Regjonâl dal Friûl Vignesie Julie, organizât in colaborazion cul USCI FVG, intal Domo di Codroip aes 8 e mieze di sere.

Il president dal Consei Regjonâl, Franco Iacop al à fevelât, par furlan, di «une iniziative cussì impuartante e di riferiment pe culture furlane in patrie e ancje di fûr dal nestri teritori».

Di une setemane di grande culture cuntun voli ae economie e ae identitât al à cjacarât Renzo Medeossi, vice president pal Gurizan de Societât Filologjiche Furlane. Lui al è intervignût ancje in non de Federazion Regjonâl des bancjis di credit cooperatîf e tant che president de Cjasse Rurâl di Lucinîs, Fare e Caprive.

«Cheste e je une setemane di culture par sintîsi plui furlans e par fâ une riflession sul teme de identitât che al somee un tic smamît – al à dit in lenghe taliane Sergio Bolzonello, assessôr ae Ativitâts Produtivis, Turisim e Cooperazion de Regjon – alore o vin di cuinçâ il sintiment di apartignince cun la viertidure al gnûf».

Dopo al è intervignût ancje Enos Costantini par fevelâ des etichetis des butiliis dal vin. «Chei blecs di cjarte par fâ biel il vin – al à dit – al è il titul de mostre di etichetis artistichis pes butiliis di vin che si viodarà a a Cuar di Rosacis, cun pituris di Otto D’Angelo, Guido Tavagnacco, Alessandro Bimbatti, Jacovitti, Caucigh e Darko».

La setemane e scomence cu la presentazion di Olmis, il diari bilengâl pe scuele primarie e secondarie di prin grât. L’event al sarà te Fondazion Friûl a Udin, in Vie Manin ai 4 di Mai a lis cinc sore sere. Chest librut di scuele al è rivât a 20 mil copiis dadis fûr pai istitûts comprensîf di chenti.

Jenfri la setemane si davuelzarâ ancje la Fraie de Vierte a Sedean. Il calendari complet de Setemane de Culture Furlane e i programs di ogni iniziative si puedin viodi sul sît Internet www.scf2017.it là che gracie aes funzions di gjeolocalizazion si pues viodi ancje la cjartine cu lis sedis dai events e i percors di fâ par rivâ, come che al à mostrât cul computer Davide Lorigliola a une sale plene di int interessade.

Federico Vicario, president de Societât Filologjiche Furlane

---

Servizi gjornalistic, fotografic e di networking par cure di Elio Varutti